يا يمه .. قصيده مؤثرة جدآآآآ ..

[أمـــوـآج]

بسم الله الرحمن الرحيم





يايمه منتهي جيتك وطالـب منـك الغفـران
اقبّل قاعـة اقدامـك واغسلهـا بدمعاتـي

يايمه كـل مافينـي يناديلـك انـا ندمـان
طلبتك قولي سامحتك وردي لوجهي بسماتـي

انا ادري قلبك الطيب كسرته بصدمة النكران
غلطت وغلطتي هذي تعيّـر كـل غلطاتـي

تشوفي الشيب يايمه ترى ماجا وانـا فرحـان
وربي اللي رفع ذاتك ونـزل للـردى ذاتـي

فقدت الراحه من بعدك فقدت الطيبه والتحنان
بدونك راحتي غايه بيدينك هـذي راحاتـي

انا بعدك ولا حاجه انا بعدك تـرى عميـان
اشوف ولا اشوف اللـي يورينـي مسراتـي

انا وسيد الشقى والهمّ من بعدك غدينا اخوان
يجيـب همـوم هالعالـم ويرميهـا بمتاهاتـي

صدقتي يوم قلتي لي تدين اليوم بـس تنـدان
رميتك فـي بداياتـي ورمونـي فـي نهاياتـي

انا من شالك بايده ورماك باسفـل البركـان
نخيتينـي وطلبتينـي ولا حصلتـي نخـواتـي

مثل ماهنتي بعيوني عليهم قلبـي يمـه هـان
رموني وبعتهم فزعه وانا الدمعـات فزعاتـي

يايمه لاتضنينـي انـا مـن فعلهـم زعـلان
سواةً فيك سويتـه وسـووا فينـي سواتـي

يايمـه يالله ضمينـي ودفينـي بهالاحـضـان
انا ادري فيك مشتاقه وهمك بـس ملاقاتـي

يايمه حيييييل ضميني ابي ارتـاح انـا تعبـان
تعبت اهرب من ذنوبي ابيك آخـر مسافاتـي

ابسمع منك اي كلمه لصوتك مسمعي ولهان
ابسمع يمه بصوتك ابذكـر فيهـا نشواتـي

اشوفك ساكته يمه غفيتي والا انا غلطـان ؟؟
غفيتي يابعد عمري تعبتـي مـن مواساتـي ؟؟

يايمه طالبك قومـي اذا لـي بعيونـك شـان
اشوف الموت بعيونك عساها تخيب هقواتـي

تعالوا يابشر شوفوا انـا محتـار انـا تلفـان
انا امي ماادري وش فيها انا ماادري انا احاتي

شنو ؟؟ امي انا ماتت ؟؟ لا لا تـرى غلطـان
انا امـي ماتخلينـي علـى حزنـي ووناتـي

انا امي قلبها طيب ولايمكن تبكـي انسـان
انـا امـي ماتبكينـي ولاتتمنـى اهـاتـي

يايمه صح مامتي ؟؟ وصح الموت تـو ماحـان
اذا متي انا بعـدك ابقضـي ويـن ساعاتـي

يايمه قومي يايمه وقولـي المـوت لا ماكـان
انا جيتك وانا ناوي اببـدي فيـك جناتـي

تركتيني ومتي ليه ؟؟ تركتيني وانـا غرقـان
ولا مسموح ياوليـدي ولا تلعنـك لعناتـي

انا الجاني وانا المجني وانا المخطي وانا الندمـان
وانا بيدي رميتـك ايـه وبعثرتـه ملفاتـي

وجيت من الهنا مفلس وقلبي من الضنا خسران
انا بعـدك تـرى مابيـن نهاياتـي وبداياتـي

ولاني مرضياً ربـي ولاني تابـع الشيطـان
انا بعـدك تـرى مابيـن نهاياتـي وبداياتـي


يايمه منتهي جيتك وكلـي مرتجـي غفـران
وشفت الناس تلعنـي وتحذرنـي مـن الآتـي


*
*
*


القصيده ابكتني .. وكلماتها جدا مؤثره ..

تحيـآتي

[القلب الدامع]

من جد تبكي

حلوة وااااااااايد

مشكورة

[أمـــوـآج]

القلب الدامع

مروورك الارووع ..

ونورت صفحتي بوجودك اخوي ..

تحياتي

[نبيل محمد إمام]

سلمت يمينك يا مووووووجه على هذه القصة المؤثرة
بارك الله فيك
تحياتي وتقبلي مروري
نبيل

[الغروب]

امواج

يعطيك العافيه على القصيده الرائعه

[سعود.]

امواج .. القصيده مؤثّره جدا وماقصّرتي يا الغلا ..
منتظر جديدك وابداعاتك .
وتحياتي الحاره ..

[أمـــوـآج]

نبيل
الغروب
سعود

شـآكره لكـم جميعــآ .. ع ـآلمروور الجميــل .. نورتو .. أحد أجمل صفحـآتي ..

تحيـآتي لكم ..

[أخت فلانة]

مشكورة وبجد القصيدة تبكي

[أمـــوـآج]

اخت فـلآنه .

حبيبتي يسلمـو ع ـآلمرور العطـر ..
نورتي

[*روحي تحبك*]

جزاكي الله خير

ومشكورة على الموضوع

سلمت يمناك

ننتظر ابداع قلمك المميز

تقبل مروري

روحي تحبك