درس النقش على العملة (اهداء خاص للمرعب)

[فتى مصر]

اخوي المرعب سألني عن كيفية كتابة اسمي على العملة اللي موجوده في توقيعي، وانا شفت انه من المناسب اني ارد عليه بهذا الدرس العملي اللي اتمنى انه يفيده ويفيدكم اجمعين.
بصراحة انا ما استخدمت أي فلاتر خارجية عن الموجودة في الفوتوشوب وبشكل دقيق الفلاتر الموجودة في layer style اللي موجود في القائمة layer
لاحظوا وياي في الشكل اللي تحت، نبدا بشريحة فيها صورة العملة وهي فاضيه (بنعطيكم وحده فاضية في نهاية الدرس عشان تجربون عليها الدرس، بس صخوا ولا تزعجونا عشان نقدر نكمل الدرس)، انا سميت هالشريحة بـ coin






الحين عاد نطفي الشريحة mor3eb original text (سوري رعوبي بس والله محتاجين نطفيها عشان نكمل الدرس) ونتحول للشريحة coin copy، اللي بيكون شكلها كالتالي:
http://www3.0zz0.com/2007/09/26/03/86191704.jpg


ملاحظين وياي حدود اختيار نص "المرعب" في الشكل اللي فوق وهيه في شريحة coin copy ؟ جميل جداً، الحين عاد نسير حق القائمة select ونسوي inverse حق حدود منطقة النص اللي مختارينها، نحنا نسوي جذه عشان نقدر نلغي الأجزاء من العملة اللي زايده عن النص اللي بننقشه على العملة اللي موجوده في الشريحة coin، انزين عقب ما سوينا inverse ونحنا على شريحة coin copy نقوم ونضغط المفتاح delete على كيبوردكم عشان نلغي الأجزاء الزايدة من العملة، الحين عاد المفروض تكون الصورة كالتالي عقب ما نطفي الشريحة coin بعد :



نقوم ونحنا على شريحة coin copy ونسير حق القائمة layer وننزل لين layer style ونختار bevel and emboss وبتطلع لنا نافذة جديدة نقوم نضبط مواصفات المتغيرات اللي فيها مثل ما هو مبين في الشكل التالي:



ومب جذه وبس، ونحنا في نفس النافذة وقبل ما نستعيل ونضغط ok نهيد شوي ونسير حق drop shadow ثاني وحده من فوق في نافذة layer style ونضبط مواصفات المتغيرات اللي فيها مثل ما هو مبين في الشكل التالي:



نهيد بعد ونكمل ونحنا في نفس نافذة layer style ونسير حق stroke اللي موجوده في اسفل النافذة ونضبط مواصفات المتغيرات اللي فيها مثل ما هو مبين في الشكل التالي:



وبعدين نختار ok عشان نغلق نافذة layer style ونرجع للوحة ونشوف نتيجة اللي هببناه، وطبعا نتيجة الهباب كالتالي:



هاه شو رايكم، مب نتيجة حلوه؟ طبعا حلوه، وطبعا بتحلو أكثر لو سوينا نفس الشي حق نصوص ثانيه مثل الشكل التالي:

[mo3ty2006]

رووووووووووووووووووعة

يسلموووووووووووووووووو

مشكووووووووووووووووور