خلاص من حبكم يازين عزلنا

[قصيمي]

السـلام عليكم ورحمه الله وبركاته


بتكلـم لكم عن شـاب اسمه صالح


كـان صالح من نعومه أظافره مايدري وش الحـب ولا يعرفه سوا انه كان يحب بنت خالته اللي تصغـره بسنه حب طفولي وبريئ يعنـي مافيه لكاعه .. كبَـر صالح وكبرت بنت خالته ونسووا بعض او بالاصح صالح نساها ولاكن مايدري اذا هي تذكـره او لا .. كبر صالح وصار رجـال كبير وكان يجلس مع اخويـاه ويسمعهم يتكلمـون عن حبيباتهم وخوياتهم وهذا معه دبدوب من حبيبته وهذا معه عطـر من حبيبته وهذا جواله مايفـارق اذنه 24 ساعه بس يكلـم حبيبته .. احتار صالح في نفسـه وقال وش ناقصني انا ليه مايصير عندي حبيبه ؟ الشكـل الحمدلله وسيم واخلاقي كلن يثنـي عليها ... (( على فكره صالح كان فيه عيب اللي هو الخجـل الزايد يعني لاطالعته بنت وهو معجـب فيها صد عنها يعني يفتقد للجرأه )) قرر صالح انه يحب وانه يجـرب احساس الحب pb189 ووده يعـرف وش يقصدون الناس بعذاب الحـب ؟ الحين صالح يبي حبيبه " <<< يدور الشقاء " بس من وين يجيبها مايدري !! مايعرف يرقم ومايحب الحركات الصبيانيه (( ياخذ رقم بنت ويدق يقول ممكن نتعرف :sm4: )) قال صالح خلاص مالي الا النت اتعرف منـه بس مع انه ماكان يحب فكره انه يتعـرف على بنت من النت لاكن للضـروره أحكام وهذا كان شي ضروري لصالح لانه يبي يحـب !! دخل صالح على شات كتابي وقعد يكتب ووفقه الله في بنت تعرف عليهـا .. وجلـس يسولف هو وياها واكتشفوا ان بينهم أشيـاء عديدة مشتركه وانهم مسنجميـن مع بعض .. مرت الايام وصالح يحس انه تولع في البنـت بس ان مشاعره وقتها كانت مشاعر انجذاب فقط لا غير لاكن هو ماكان يعـرف هالشي .. وكانت البنت متعلقه في صالح ومن زود تعلقَهـا فيه صالح تعلق فيهـا بعد ... لان حسها أقـرب انسانه له بالدنيا .. حس انه لما ينساها دقيقه تذكره فيها بمكالمه او مسـج .. مرت الايام ومرت الاشهر ومرت سنه كامله كـانت فيها العلاقه اوكي .. واحد من أصحاب صالح كان يعـرف البنت وماكان مرتاح انها تكلم خويه وكان يبي يفرقهـم بأي طريقه .. سرق رقم البنـت من جوال صالح مع ان صالح مسمي البنت بجواله ماجد (( حركات نص كم )) وبعد فتره نادى هالولد صالح وقاله تعال بسمعك شي .. وش تتوقعون سمعـه ؟؟ مقطع صوتي وهو يكلم حبيبه صالح , صالح " وياويل قلبك ياصالح " حس الارض تدور وانصدم وحس انه كـان مغفل وانلعـب عليه ..طلع من عنـد صاحبه وقعد يدور في السياره مايدري وش يسـوي وليه تسوي كذا هي وليه وليه .. أسئلـه كثيره كانت تدور في راس صالح وما كان لاقي لها اي جـواب :sm1: .. فجأة اتصلت عليه .. صالح من القهـر رمى الجوال مع الشباك وراح لشقته وهو باقي مقهـور .. كانت شقه صالح اغلب اثاثها واللي فيها هديـه من حبيبتـه .. فقــرر انه يغير مسكنه وينسـى كل شي .. تغيـر حال صالح .. ضعف جسمـه .. صار انطوائي ومعزول عن الناس .. مايحب يجلس مع احد من بعد ماكان جسمه سليم ومتعافي وانسان اجتماعي محبوب .. عرف صالح عذاب الحب وقال آه ليتني ماعرفته .. عرف الناس ليه لما يسمعـون اغنيه خاصه يقولون آآآه تتعب هالاغنيه .. عرف ليه الناس لما تمر على كوفي شوب ولا على مطعم تقوول آآآه كانت له ذكريااات هالمحـل ..

جازتلي ونقلته لكم...


ويقول الشاعر العربي امرؤ القيس <<< اااااااااايه هين كانك تعرفة
هـذي نهـــاية حبنا ولكـــل يختــــار&&&يمـكن الا قــي في بعدك أمـاني

[أمـــوـآج]

غريـب أمـرهـم هاللـي يحبـون من عيــآل ذآ الأيــآم ..



يـآخي بالعقـل إذآكلمـتكـ وتجـرأت .. رآح تكـلم غيـرك أكيد .. صح والا لآ ..!!



..

يـآبن الحـلآل يـآكثر امثـآله اللي حـب وحـده وانصـدم على قولتـه منهـآ .. والا هـي حبتـه وانصـدمت فيـه ،،

في نظـري العـلآقـه هذي من البـدآيه ما هي صحيحـه ، ولو كـآن فعـلآ يحبهـآ وهي تحبـه كـآن تقدم لهـآ على طول بدون مقـدمـآت .. < والغريب يقـول انهـآ هي اللي خـآنته . طيب ليش هو من الأسـآس كـآنت ( بدآيتـه من المعـرفه متعتـه اهو ، لأنه شاف ربعـه كـل وآحد معـه حبيبـه وخويـه )

واللـه يـآعـآلم ان هـآلدنيـآ مـآتستـآهل ان الـوآحد يعيـش في صدمـآت ..وفي هـم وحزن ، مـآدآم البدآيـه غلطـ ..( لآزم تنهتـي اليـوم والا بكـره ..)

واللي يدعـي إنـه تعـرف على بنـت عن طـريق النـت بعـلآقه حــب ،، مصيـر هـآلشي .. (( الفشــل ))

الدنيـآ لآزم تعـلم فينـآ .. وتـآخذ لكـ كم كف كـذآ .. عشــآن تفهم الحيــآة صح

< شعندهـآ جدتي خخ

اللـي ربـي كـآتبه رآح يصيـر ومـآ أحد رآح يـآخذ في هـآلدنيـآ الا اللـي ربـي كـآتبه له ،، ولآزم ان البنـت تحــآفظ على نفسهـآ قد مـآتقدر وتحـآفظ على عفتهـآ وسمعتهــآ ،، لأن هذا اغلـى مـآتملك .. ومـآيقتصر هالـشي على البنـت بعـد عـآلولد ..

أنـآ أكره ان الولد يكـون له سـوآبق من قبـل ، وحتـى لو حـآول يخفي هالـشي بعدين ، رآح يوضـح من تصـرفـآته ..

أنـآشد أي شـآب تعـرف علـى أي بنت بطريقـه غير شرعيــه .. أنه يتركهـآ بحـآل سبيلهـآ و يبتعد عن هالأمــور ، لأن هالـشي مـآرآح يقتصر عليـه اهـو وبعـد على البنـت وعلى اهلهـآ وسمعتهـآ .. والمشـآكل اللي رآح تصير بعدهـآ وربي اعلم بهـآ ..

((يـآمـآ في بنـآت عفيفـآت وشبــآب ربي عطـآهم العفـه ..
ينتظـرون شريك حيــآتهم على احر من الجمـر حتى تكـون اول كلمـه ينطقون فيهـآ كلمــه عفيفـه طـآهره طـآلعه من القـلب يحسـون بلذتهـآ وحـلآوتهـآ ..))


( من ترك شيئا لله عوضـه الله خيـر منه )


..


< احـس اني مسكـت بكـم خطـ .. مـآعليه شكلكم نمتوو خخخ

مشكـور ع ـآلموضوع المهم وعالقصه اللي فعـلآ تمس حيـآتنـآ وحيـآة شبـآبنـآ بشكل كبير ومبـآشر ..

أمـوـآج

[الغروب]

يعطيك العافيه على القصه

[سعود.]

رااااائع احسنت اخي قصيمي قصة جميلة جدا جدا سلمت يمناك .. بارك الله فيك.
استمر في ابداعك ..
سعود

[فلانة]

اخوي القصيمي
ابدااع والله رااائع تسلم على طرح القصة وجزاك ربي الف خير