شرح تحنيط بعض الحيوانات البرية ... بالصور

[الغروب]

بسم الله نبدأ /

هذه الطريقه البسيطه هدفها جميل لأن من أراد تطبيقها منكم سيجد بعد فتره حيوانات بريه محنطه يستطيع وضعها بالمجلس أوعلى الجدران مثل ماكانوا جدّانا .....

نفترض إنك صدت ضب .... راح تاكل اللي فيه وتطش الباقي صح ...

الحين نبي نستفيد من هالباقي .... كيف ؟؟

1 / تجيب الضب طال عمرك وتسدحه على ظهره وتفتحه بمشرط حاد من أسفل العكره لين تصل فمه
ثم تخرج كل شي بوسطه لا تبقي غير الجلد, وخذ ياعم العكره والفخوذ وبالعافيه عليك.

2 / أفتح أقرب دولاب وخذ منه علاقه " شماعه " مثل اللي تجي مع الثوب من المغسله وهات زراديه " كماشه " وقص العلاقه ودخلها بطول الضب من فوق لتحت , ومن يده اليمين لليسار يعني هذا السيخ راح يعامد الأول , ورجوله نفس الشي.

3 / أحشيه ملح وقرنفل مطحون بعدها إحشه نشاره أو قش + قطن ثم جيبلك إبره وخيط وخيطه تخييط.

4 / شفلك أي فص صغير يناسب عينه وحط الفص مكان العين وقبل تركبه لا تنسى تحط ملح واجد بالعين.

عشان المخ لا يعفن...... ثم شكله كيف ما يصفالك ....

هذا بإختصار شديد وممكن تطبقون نفس الخطوات تقريباً على أي حيوان ثاني مثل ذيب مذيكم بالحلال أو ظبع حتى لو جزء من الحيوان مثل راس بدن أو ظبي تحنطه وتعلقه بالمجلس وش زينه..

وممكن راس أرنب .. شف عاد كم راس أرنب محنط للحين ...



ملاحظه :
يا جماعه طلبتكم محد يصيد شي عشان يحنطه وبس .... واذا الموضوع له صدى كبير بالمنتدى ان شاالله أنزلكم طرق التحنيط بشكل عام (( مجسم أو دبغ جلد )) بعظمه او تفريغ كامل بالصور, والحيوانات البحريه مثل القرش والإستاكوزا كمان نقدر نحنطها .. , والجميل ان الصيده بعد تحنيطها ماتنسى قصتها كل ماشفتها تذكرت طلعتكم ومن كان معكم ووين كنتوا وكيف طرحتوا الصيده , واللي يجيك من الرجال سواليف وعلوم وتقول هذا لقيناه باليوم الفلاني وكان علينا حر ومدري وشووو وأول لا شفناه جفل وقلنا راح ثم تختلناه ومن هالعلوم اللي تشرح الخاطر ...









الخطوه رقم : 4 / الضب بعد الإكتمال ومعه جريبيع .. واضح ضربة الناريه"الخرازه"بين كتوفه..





منقول من بو نشمي