سعد بن جدلان شاعر رائع

[الغروب]

أخواني وأخوتي

لي نقف وقفه مع الشعر الحقيقي

ومع الشاعر الرائع سعد بن جدلان الاكلبي





(1)

آه يـا قلـب ياللـي دايـمٍ فـي ذهــول.......والله انـه ثقيـلٍ ليـن جــوه الثـقـال
يـا قطـاة العبيّـه يـا هيـام الـذلـول .....يـا عيـون النـداوي يـا رقبـة الغـزال
نور وجهك على من شـاف منـك القبـول......نور صبـحٍ تبسّـم فـي رهـاد الجبـال
كنّي اقـرا علـى طـرّت جبينـك تقـول....انـا قلبـي يحبـك يـا حبيبـي تـعـال
كان قدّمـي حـدٍ فالحـب راح امهبـول.......والله انـه خطيـرن لا يجينـي اهـبـال
المحبـه جملـهـا مـرسـلٍ وامعـقـول........لعنبـو مـن يقـول ان المحبـه اخـبـال
والذي ليلـة الاسـراء عـرج بالرسـول.......ان حبـك لحـال وحـب غيـرك لحـال


(2)


انا ويـن ابلقـا يالاجاويـد فاعـل خيـر.......حريـصٍ علـى سـر المحبيـن لرسلتـه
امن اول لو اصبر عام ما بان بـي تأثيـر....وهالحين حتى صبر يوميـن مـا احتلتـه
انـا مثـل صقـارٍ تولّـع بحـب الطيـر.........ولـف قلبـه افـروخ الصواريـم وهبلتـه
تولعت فـي فـرخٍ قضيـبٍ يتـل السيـر......ابي لمحـةٍ مـن نظـرة الحـر وإسبلتـه
صغيرن ب سنه غير عندي ماهوب اصغير...يا مغلاه فـي قلبـي ويـا كبـر منزلتـه
اجمع سمان الهرج خـوفٍ مـن التقصيـر.....والى جيت ابشرح لـه كلامـي تهيزلتـه
يجيني منه هيبة محبه.. سحـى.. تقديـر......اقابلـه عنـدي علـم واروح مـا قلـتـه


(3)


لعـل ربٍٍ جمـع يـوسـف ويعقـوبـي....يلّمـنـي مــع وليـفـي واتهـنـابـه
اللي من اجله مـا غيـر احسّـب اذنوبـي...والقلـب كـنّ الدبـا الحنّـان يرعـابـه
احتل طيـش المشاعـر واخلـف اسلوبـي..وجميـع مـا مرنـي مـنـه اتهجـابـه
الكلمـه الطيّـبـه لا قطـهـا صـوبـي..والا نظرلـي بنظـرة عطـف جـذّابـه
فرحت فرحـة صـلاح الديـن الايوبـي..ساعـة تولّـى علـى المقـدس وصلابـه


(4)


الشدايـد يـا جميلـه بالازمـات اختبـار......ينعرف فيها الظلال الطويل مـن القصيـر
كل ما اذكر حالتك بين غـار وبيـن نـار....راحت الدنيـا بعينـي عبـوسٍ قمطريـر
تحسبٍ حبـك محـاه التشـدد والحصـار...التشـدد فالمحبـه هـو الشـر الشـريـر
شغلهم ضدي وضدك يعمّـر لـك وقـار..في ضميرن ما سكن فيـه قدامـك عشيـر
زارعٍ لك بخشةٍ من الزرار إلـى الـزرار....نبتها بالمسـك والعـود الازرق والعبيـر
شد حيلك لا يصيبـك فشـل والا انهيـار......لا تصغّر قيمتك وانت فـي عينـي كبيـر
لذة صبّار الهـوى مثـل لـذة الانتصـار.....لا تصدّق من يقول الحسـد مافيـه خيـر
لا تغيرب ما جرى من قنا مثلـك يغـار.......كل شـيٍ ينشفـا فيـه ميصالـه عسيـر
الذهـب دونـه حراسـه وبيبـانٍ اكبـار.......والدرر من دونها هيبـة البحـر الغزيـر
غير لا تيّس وتكتب علـى نفسـك قـرار...يدفعك سوء التصرف إلى بـاس المصيـر
لولا شحّي فيك جيتك اجهار مـن النهـار.......غير ما يصلـح مقـامٍ بـلا رايٍ بصيـر
فرصتي ويقت حرارٍ على ماكـر حـرار.......ما يعـوّد فالمكـان الربيـب الا البعيـر





منقول

[فلانة]

مواضيعج روعة ومن كثر ما اقرأهم التعليق يختفي من راسي فأرجو منك تقبل مروري يالغالية

[الغروب]

فلانه

شكرا على المرور المشجع

[سعود.]

يعطيييك الف عافية انا فعلا الشاعر بن جدلان قصائده مررررره حلللللللوه ..
تقبلي مروري ..

[الغروب]

سعود شكرا على المرور المشجع

[فهد]

اجمع سمان الهرج خـوفٍ مـن التقصيـر.....والى جيت ابشرح لـه كلامـي تهيزلتـه
يجيني منه هيبة محبه.. سحـى.. تقديـر......اقابلـه عنـدي علـم واروح مـا قلـتـه



شي رائع لا يوصف

وابن جدلان غني عن التعريف مدرسة شعرية

فهد

[الغروب]

المشاركة الأصلية كتبت بواسطة فهد

اجمع سمان الهرج خـوفٍ مـن التقصيـر.....والى جيت ابشرح لـه كلامـي تهيزلتـه
يجيني منه هيبة محبه.. سحـى.. تقديـر......اقابلـه عنـدي علـم واروح مـا قلـتـه



شي رائع لا يوصف

وابن جدلان غني عن التعريف مدرسة شعرية

فهد

يعطيك العافيه اخوي فهد على المرور